Hea富生活： 靠加按維持生計？ 業界新聞 2017-06-22 02:26:30
近日很多人談論發展商為了刺激新盤銷情，提供八成半高成數按揭，令一眾不夠首期卻急於上車的買家處境十分危險，惟恐樓市逆轉變成負資產。其實樓價不斷飆升，不少業主都選擇加按物業套現，我有個老友，一家六口靠他一個人賺錢，對上幾年一直入不敷支，都是靠按樓津貼生活使費。
又好似一班本來收入中下水平，因受惠早年九成按揭，三幾萬上車做了業主，因而產生「財富效應」，一年去三五次旅行是基本，買架車代步亦無難度，甚至膽粗粗做吓生意。
正所謂「使完又嚟按過」，晚上睇大台或現在台，好多靚仔靚女笑瞇瞇同你講：「使大咗，唔怕，有xx，只要有層樓，無論按過幾多次，網上辦妥簽約，15分鐘批核，現金即時過數，全程無需露面。」真貼心，竟然體諒到債仔的面子。
不過近年不時出現十幾按銀主盤，業主先後承按和借貸十多次，最後無力償還被財務公司沒收。
其實財仔是一門非常好做的生意，近年數量飆升，皆因入行門檻低和收益豐厚，就算不拿來做生意，亦可等高價收購，據聞一張牌炒高至40萬，但成本不用兩萬。根據政府數據，截至2017年5月，本港放債人牌照數目約為1,889個。
做財仔風險低回報高
做財務公司有二、三十厘回報，最大開支是廣告費，加上債仔有樓做抵押，風險可減至最低，故有現金在手的商人都會攞個放債人牌照，集資或獨資做有牌財仔。
上文說的老友最近問我賣樓問題，我勸他要諗清楚，賣樓雖可解燃眉之急，但現在這種時勢，唔知幾時先買得番。
老友說，他真的無計可施，兩老有病，細路仔讀書，每月搵三、四萬根本止唔到咳，另一個老友指他不善理財，怪不得人。
但我覺得有財至有得理，家庭開支已佔去他全部收入，想儲個錢都難，沒有第一筆基本資金，很難有第二筆。
早前花旗銀行調查顯示，擁100萬以上流動資產的百萬富翁有87.8萬人，歷來最多，千萬富翁最少有5.9萬人，當中八成六擁有多於一個物業。買樓致富概念太深入民心，助長地產霸權，帶動物價上漲，人工升幅遠遠追不上，可能某些行業未感受到，但市道真的越來越差，日常消費品一定好賣過中高級奢侈品，所以民生舖比核心區商舖，無論租金和價值，都升得更多。
本文轉載自【蘋果日報】
今日熱門文章
2023年1月份財務市場風險報告
市場資訊 2023-01-11 18:35:59
2022年11月份財務市場風險報告
市場資訊 2023-01-11 18:21:52
二手轉靜 交投插水
地產新聞 2024-05-09 13:25:28
鄧成波家族兩舊樓遭銀主拍出 貶近五成
地產新聞 2024-05-08 15:17:54
二手樓連環見紅
地產新聞 2024-05-07 14:02:32
