資訊

黎明聲演騙徒冧女過數自嘲「我邊會拎到金像獎」 業界新聞 2019-04-02 10:30:18

天王級嘅黎明，就算做咗老闆，都周不時善用佢嘅影響力，接拍廣告。最近佢就幫香港警察嘅防騙易熱線拍宣傳片，為飾演騙徒嘅肥仔演員，假扮黎明聲線，利用語音訊息，氹少女網上過數呃錢：「我係黎明，我喺內地被富婆操控，迫我拍劇，唔該你用網上過數方法畀我吖，畀我脫身返嚟香港參加金像獎。」黎明喺片尾扮演騙徒下一個目標，當他聽到假扮自己嘅語音訊息時，直言「真係當我懵仔魚呀？我邊會拎到金像獎呀」；臨尾嚟自嘲，相當搞笑，八方十分佩服。

新聞轉載自蘋果日報